Stærri rotþrær

Rotþrær Borgarplasts eru þriggja hólfa og framleiddar úr Polyethylene (PE). Rotþrær Borgarplasts uppfylla kröfur staðalsins ÍST EN 12566. Hlutverk rotþróa er að hreinsa frárennslisvatn með því að skilja mengunarefni frá vatninu. Föstu og þyngri efnin falla til botns, en léttari efnin fljóta á yfirborðinu, t.d. fita og sápur. Föstu efnin rotna og verða að seyru sem þarf að fjarlægja reglulega. Lengri rotþró er, að öllu jöfnu, betri en stutt, vegna þess að þar fá föstu efnin lengri tíma til að skilja sig frá vatninu og það hreinsast betur.